25 ноя 08:47
Янгиликлар

Таэквондо

Таэквондочиларимиз Жаҳон кубогида иштирок этиш мақсадида Минскка жўнаб кетишди

28 ноябрдан 1 декабрга қадар Беларусь пойтахти Минск шаҳрида таэквондонинг ITF йўналиши бўйича Жаҳон кубоги бўлиб ўтади.

Дунёнинг элликдан зиёд мамлакатлари спортчилари қатнашадиган йилнинг ушбу нуфузли мусобақасида Ўзбекистон терма жамоаси таэквондочилари ҳам ўз маҳоратларини намойиш этишади.

Терма жамоамиз делегацияси Ўзбекистон таэквондо ITF Миллий ассоциацияси раиси Лазиз Ҳасанов бошчилигида Беларусь мамлакатига жўнаб кетди. Жаҳон кубогида жами 68 нафар спортчимиз юртимиз шарафини ҳимоя қилади.

Дарвоқе, бугун Лазиз Ҳасановнинг туғилган куни. Биз сайтимиз ижодий гуруҳи ҳамда ўзбекистонлик таэквондочилар номидан Лазиз Ҳасановни муборакбод этамиз.