10 дек 12:26
Янгиликлар

Болалар спорти

Тажрибали мураббийлардан ёшларга "мастер класс"!

Тошкент вилояти Зангиота туманидаги болалар-ўсмирлар спорт мактаби туман жисмоний тарбия ва спорт бўлими билан ҳамкорликда ҳудудда жойлашган 4-сонли, 5-сонли ва 31-сонли умумий ўрта таълим мактабларида маҳорат дарсларини ташкил қилди.

Маҳорат дарсларига туман БЎСМ бокс тўгараги тренери, Ўзбекистон Республикасида хизмат кўрсатган спортчи, “Меҳнат шуҳрати” ордени соҳиби, Аталанта-96 ёзги олимпиада ўйинлари бронза медали совриндори Карим Тўлаганов ҳамда Испаниянинг “Nex Star” футбол академиясининг Ўзбекистондаги филиали бош мураббийи Жон Эберилар иштирок этди.

Маҳорат дарсларига жами 400 нафардан ортиқ спортга иштиёқманд ёшлар қатнашди. Ёшлар ўзларини қизиқтирган кўплаб саволларга маҳоратли тренерлардан жавоб олишди. Дарслар якунида ёшларга туман БЎСМ томонидан эсдалик совғалари топширилди ҳамда иқтидорли ёшлар болалар-ўсмирлар спорт мактабига саралаб олинди.

Зангиота туманида Жисмоний тарбия ва спорт бўлими, БЎСМ ҳамда Халқ таълими бўлими билан ҳамкорликда амалга оширилаётган бу каби тадбирлар яна давом этади.

Ҳавола :

Манба : minsport.uz

Рейтинг: