UZ

Сўнгги янгиликлар

12:42Дзюдочиларимиз "ШҲТ Очиқ кубоги"да 7 та медаль қўлга киритишди 0 12:11UFC Fight Night 296 турнирининг асосий жанги эълон қилинди + ПОСТЕР 0 11:40Мадрид мэри ЖЧ-2030 ҳақида: "Агар финал Испанияда ўтмаса, бу ҳақорат бўлади" 0 11:09WBA Мунгия ва Мелиқўзиев ўртасидаги чемпионлик жанги учун янги буйруқ берди 0 10:38UFC жангчиларининг Ган - Хокит жангига муносабати: "UFC`нинг энг яхши оғир вазн жанги!" 0 10:07Уч кундан кейин Шимкентда жанг қиладиган Одилхоннинг рақиби ўзгарди + ПОСТЕР 0 09:36Англия терма жамоаси Испаниянинг рекордига чек қўйди 0 09:05Чирчиқда Ўзбек жанг санъати бўйича Ўзбекистон Кубоги ўтказилди 0 08:3419 ёшли Мирра Андреева Якуний WTA турнири чемпиони бўлди 0 08:03Total Chess. Абдусатторов иштирок этган турнирда 1/2 финалчилар аниқланди 0 07:32Миллатлар лигаси. Италияда йирик мағлубият, Зидан шогирдлари зафар қучишди, Испания ниҳоят ютқазди 0 07:01Шара Буллет UFC`да 100 миллионга жангда ютқазишни таклиф қилишгани ва ҳатто рақибни ҳам айтиб ўтди 0 18:41Белбоғли кураш. Кучлилар Фарғонада аниқланди 0 18:10Майкл Моралес: "Махачевдаги камарни Эквадорга олиб кетаман" 0 17:39"Реал Мадрид" етакчиси билан янги шартнома имзолади 0

23 май 19:26
Янгиликлар

Бокс/ММА

Таниқли мураббий Фьюри-Усик жанги ҳақида: "У олдин бундай рақиблар билан бокс тушмаган" (Мутолаа учун)

Хабарингиз бор, 18 май куни Ар-Риёдда катта профессионал бокс оқшоми бўлиб ўтди.

Оқшомнинг асосий баҳсида Александр Усик ва Тайсон Фьюри ўзаро кураш олиб борди. 12 раунд тўлиқ давом этган жангда украиналик боксчи ҳакамларнинг айри қарори эвазига ғалабани қўлга киритди. Жангдан сўнг россиялик таниқли мураббий Виталий Сланов ўз фикрлари билан ўртоқлашди. 

— Усик ва Фьюри ўртасидаги жанг ҳақида нима дея оласиз? У сизнинг умидларингизни оқладими? 

— Беллашув бунчалик қизиқарли бўлишини кутмагандим. Бу анча зерикарли бўлади деб ўйлагандим. Жанг давомида улар тезликни оширишди, баъзи дақиқаларда Фьюри чаққон эди. 8-раундгача у яққол ғалаба қозонаётганди. 


— Кейин нима бўлди? 

— Фьюри катта бола. Тайсон ҳеч қачон бундай чаққон боксчи билан жанг ўтказмаган. Усик - буюк уста. У ютқазаётганини кўриб, тезликни оширди. Фьюри бўлса диққатни жамлаш ва назоратни йўқотди. Менимча, тўқнашувдан кейин ҳеч ким судга бермади. Ваҳоланки, ҳакамлар ғалабани Тайсонга беришганида, баъзилар баҳслашишарди, лекин охир-оқибат буни қабул қилишарди. Александрга ғолиблик иккита ёрқин раунд сабабли берилди. Агар улар бўлмаганида Усик ғолиб бўлмаган бўларди. Бироқ ҳаммаси адолатли тарзда бўлиб ўтди. 

— 8-раундда бурун синиши муҳим дақиқалардан бири бўлдими? 

— Балки бу ҳам роль ўйнагандир. Шундан кейин у ўзини қандай ҳис қилганини билмаймиз. Усикда бир марталик кучли зарба йўқ. Фьюри кўп нарсаниушлаб турмайди. У кучли иродали, лекин кўп зарбани ушлаб туролмайди. У енгил вазнли Каннингем ва жисмонан баққуват бўлган Нганнудан йиқилгани ёдингизда бўлса керак.  

— Нокдаун пайтида Тайсоннинг оёққа турганига жуда ҳайрон бўлдингизми? 

— Усикнинг ҳеч қандай зарбаси йўқ. Унинг жангни эрта якунлаш нияти йўқ эди. Катта эҳтимол билан, агар украиннинг ўрнида Уайлдер ёки Жошуа бўлганида зерикарли нокаут кўрган бўлардик. Муҳим палла айнан ўша вазиятда содир бўлди, у жангни ўзи томонга оғдира олди. Бизнинг қўлимиздан фақат қарсак чалиш келади. Барча гап-сўзларга қарамасдан, Тайсон жасур йигит бўлиб қолаверади. 

— Тайсоннинг омма олдида чиқиши ва ғайриоддий ҳаракатлари қанчалик ўринли эди? 

— Бу унинг услуби. У буни кўп марта қилган. Фьюри шундай қилиб рақибини ақлдан оздиради. Унинг қўллари узунлиги боис уриш қийин. 

— Усик ринг марказида яхшироқ ҳаракат қилдими? 

— Усик одатдагидек ўз ишини бажарди. Ғазаб ҳеч қачон ғалаба учун асос бўлмайди. Жангдан кейинги нутқини тугатгач, у Усик томон югуриб келиши мени ҳайратда қолдирди. 

— Охирги раундларда Тайсон кўпроқ клинчга кириши керак эди. Нега бу содир бўлмади? 

— Балки, кучи етмагандир ёки у очколар бўйича курашда ғалаба қозоняпман деб ўйлагандир. 8 ва 9-раундларда схема кесқин ўзгариб кетди. Биз воқеалар ривожи бундай тус олишини кутмагандик.

— Реванш жанги олдидан тактикани ўзгартиришга уруниб кўриш керакми? 

— Мураббийлар штаби қарор қилади. Аммо улар бирор нарсани ўзгартирса ҳам, жанг унинг шартларини белгилайди. Даҳшатли апрекотдан кейин, нима бўлганини кўрдингиз. Аммо мен кечанинг энг яхши жанги совринини Жей Опетайя ва Майрис Бриедисга берган бўлардим. 

— Фьюри катта эканлиги боис кичикроқ рақиб билан ишлаш қийин бўлмадими? 

— У олдин бундай рақиблар билан бокс тушмаган. Усик - у жуда тез ва ҳеч қачон таслим бўлмайдиган спортчи. Алекснинг яхши ҳаваскор бокс тажрибаси мавжуд. Тайсон ушбу баҳсда кучсиз эмасди, балки Усик яхши тайёргарлик кўрганди. 

— Реванш кузда бўлиб қолиши мумкинми? 

— Нимага йўқ? Беллашув орда қолганига энди саноқли кунлар бўлди. Ҳамма нарса хоҳиш ва ким қандай ёндашишига боғлиқ. Биринчи жанг мени ҳайратда қолдирди ва хурсанд қилди. Реванш ундан яхшироқ бўлади деган умиддаман.

Ҳабиб Жўрабоев таржимаси

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг