03 дек 16:39
Янгиликлар

Қиличбозлик

Тасдиқланди: Тошкент 2027 йилда қиличбозлик бўйича Жаҳон чемпионатига мезбонлик қилади

30 ноябрь куни Тошкент шаҳрида Халқаро қиличбозлик федерациясининг навбатдаги Конгресси бўлиб ўтган эди.

Конгресс давомида ташкилотга асли ўзбекистонлик Алишер Усмонов президент этиб сайланганди.

Шунингдек, Конгресс доирасида ўтказилган матбуот анжуманида 2027 йилда қиличбозлик бўйича катталар ўртасидаги Жаҳон чемпионатини Ўзбекистонда ўтказиш режалаштирилаётганлиги маълум қилинганди.

МОҚ матбуот хизматининг хабар беришича, маълумот тасдиқланган. Пойтахтимиз 2027 йил катталар ўртасидаги жаҳон чемпионатини қабул қилади. Режага кўра, мусобақа 20-28 июль кунлари Тошкентда бўлиб ўтади.