Тасдиқланди! Хотамбек Бойназаров чемпионлик камарини собиқ UFC жангчисидан ҳимоя қилади + ПОСТЕР

Аввал хабар берганимиздек, мусобақа доирасида ўзбекистонлик аралаш яккакураш устаси, яримўрта вазн тоифасида Лига чемпиони Хотамбек Бойназаров ҳам октагонга кўтарилади. Ташкилотчиларнинг эълон қилишича, Бойназаровга ўша куни перулик Жеймс Льонтоп рақиб бўлади.

Таъкидлаш жоиз, Хотамбек Бойназаров проф фаолияти давомида 10 та жанг ўтказиб, уларнинг барчасида зафар қучган. У ўтган йилнинг октябрь ойида ўтказган сўнгги жангида озарбайжонлик Тагир Абдуллаевни очколар ҳисобига кўра енгиб, ярим ўрта вазнда UAE Warriors чемпионига айланганди.

25 ёшли Льонтоп 2023 йилда Дана Уайт даъвогарлар сериясида ғалаба қозониб, UFC'га ўтган ва у ерда ўтказган учта жангининг барчасида мағлуб бўлиб, Лигадан кетган. Унинг ҳисобида жами 16 та ғалаба ва 5 та мағлубият бор.