Тайсон Энтони Жошуани қўрқоқлик ва ёлғончиликда айблади

"Жошуа, қаердасан? Битим ҳали ҳам имзоланмади, бу нарса жонимга тегиб кетди. Тилга олинган исталган жойда жанг қилишга тайёрман. Англия, Ирландия, Вегас, Нью-Йорк, яна Англия, яна Ирландия, яна Нью-Йорк. Эшит, мен ҳар сафар "Ҳа, ҳа, ҳа, ҳа, ҳа" деб жавоб берганман. Ҳеч қандай шартларсиз. Ростини айтсам, менга сен қўрқаётгандек туюляпсан. Менимча, сен жанг қилишни хоҳламаяпсан ва шунчаки ҳаммани алдаяпсан. Буни ҳис қиляпман. Сен йиллар давомида шундай қилиб келдинг. Мени мағлуб этиш учун кўп имкониятларинг бўлди, лекин ич-ичингдан буни хоҳламадинг.

Хўш, кел, охирги марта рингга чиқишга журъатинг етадими ёки йўқ, кўрамиз. Иккаламиз ҳам 37-38 ёшдамиз. Бу шунчаки муштлашув, бокс жанги. Сени аллақачон кўп марта нокдаунга учратишган. Балки, бир-икки марта ўрнингдан туролмассан ҳам. Хўш, нима бўпти? Энг ёмони нима бўлиши мумкин? Сени юз фоиз тор-мор этаман, лекин илгари содир бўлмаган ҳеч қандай ғайритабиий нарса юз бермайди", — деди Фьюри ўзининг ижтимоий тармоқлардаги саҳифасида эълон қилган видеода.

Эслатиб ўтамиз, аввалроқ британиялик боксчилар ўртасидаги жанг 20 ноябрь куни Нью-Йоркда бўлиб ўтиши ҳақида хабар берилганди.