Тайсон Фьюри: "Жошуа билан жанг учун шартнома имзолаганман"

"Мен шартномани имзолаганман, иш битган. Унда нечта жанг борлиги муҳим эмас, келинг, ҳеч бўлмаса биттасини ўтказайлик.

Уни рингга битта сабаб билан чақиришди — жангни келишиб олиш учун. Мен бир неча ой олдин имзо қўйганман. Энтони қўйдими-йўқми, билмайман, лекин у жангни хоҳламаётгандек кўринмоқда. У ҳайрон бўлиб қолди ва нима дейишни билмади. Унинг ўрнида бўлганимда, рингга чиқиб, юзма-юз туриб: “Кетдик!” дердим.

Ҳали ҳам жанг бўлишига ишонч йўқ. Мен бошқа ҳеч нарса қила олмайман. Биладиганим — у “ҳа” демади.

Гонорарлар? Қандай бўлинишини билмайман. Бу мени қизиқтирмайди. У 600 миллион фунт олса — омад, мен 50 пенс олсам ҳам — менга омад.

Бу йил учта жанг ўтказмоқчиман, рақиб ким бўлишидан қатъи назар", — деди Фьюри.