Теҳронда Осиё Паралимпия қўмитаси ижроия кенгашининг 30-йиғилиши бўлиб ўтди

Йиғилиш давомида ташкилот фаолиятига доир муҳим масалалар қатори Тошкент-2025 ёшлар ўртасидаги Пара Осиё ўйинларига кўрилаётган тайёргарлик, шунингдек, Париж-2024, Лос-Анжелес-2028 ёзги Паралимпия ўйинлари ҳамда 2026 йил Милан ва Кортина-д’Ампеццо шаҳарларида бўладиган қишки Паралимпия ўйинларига қитъа спортчиларининг тайёргарлик масалалари ҳам муҳокама қилинди.

Бундан ташқари, ижроия кенгаши йиғилишида 2030 йил Доҳа шаҳри ҳамда 2034 йил Ар-Риёд шаҳри мезбонлик қиладиган Пара Осиё ўйинлари масаласи ҳам кун тартибидан ўрин олди.

Шунингдек, Осиё Паралимпия қўмитаси ижроия кенгаши аъзолари ҳамда Мухторхон Ташходжаев бошчилигидаги Ўзбекистон Миллий паралимпия қўмитаси делегацияси Эрон Ислом Республикаси спорт ва ёшлар сиёсати вазирлиги ҳамда мамлакат паралимпия қўмитаси раҳбарияти билан учрашди.