13 янв 15:26
Янгиликлар
Футбол
Темур Кападзе: "Манчестер Сити"дек жамоалар футболчини ўз-ўзидан олмайди, ҳар томонлама кузатишади"
Ўзбекистон терма жамоасининг собиқ футболчиси, бугунги кунда мураббий сифатида ҳам ишлаб улгурган Темур Кападзе Абдуқодир Ҳусановнинг "Манчестер Сити"га ўтиши ҳақида фикр билдирди.
"Абдуқодир Ҳусанов учун ҳаммамиз хурсандмиз ва "Манчестер Сити" либосида кўришни интиқлик билан кутмоқдамиз. Ўзимизнинг ўзбек йигитининг гранд жамоага, топ мураббий қўлига бораётгани ёқимли. Бундай жамоалар ўз-ўзидан футболчи олмайди. Ҳар томонлама кузатишади. Футболчимизни юқори баҳолаётгани ҳам кўп нарсадан дарак бериб турибди. Ўйлайманки, бу ўтиш бизнинг футболимиз учун катта плюс. Боз устига АПЛда ўйнайди. Ҳусановда куч, маҳорат, ёш ҳамма нарсаси бор. У яна ўсадиган бола. Унга дунёнинг энг яхши ҳимоячиси бўлишини тилайман", - деди Кападзе Абдулазиз Искандаров билан суҳбатда.
Ҳавола :
Манба : championat.asia
Фикрлар