Теннис бўйича Ўзбекистон кубогининг сўнгги кунидан ФОТОРЕПОРТАЖ

Қизлар ўртасидаги яккалик баҳсларида Омина Валихонова финалда Ясмина Каримжоновага қарши кортга чиқди. Ўйин шиддатли тус олди. Омина 1-сетда мағлуб бўлган эрсада, кейинги сетларда ўйин тақдирини ўз томонига оғдира олди - 2:6, 6:3, тай-брекда 10:5. 

Ўғил болалар ўртасидаги яккалик баҳслари ҳам жуда қизиқарли ўтди. Олимжон Набиев финал учрашувида Темур Соттимовни 0:6, 6:1, тай-брекда 10:1 ҳисобида енгди. 

Жуфтлик баҳсларида Нигина Абдураимова/Ясмина Каримжонова жуфтлиги Моҳира Алимова/Омина Валихоновани 6:2, 6:3 ҳисобида осонгина мағлуб этди. Ўғил болалар ўртасидаги учрашувда эса Самандар Абдумаликов/Файзулло Мирзағаниев жуфтлиги Исфандиёр Маҳмудов/Абдураҳмон Саидмуҳаммедов ҳамкорлигидан 4:6, 6:4, тай-брекда 10:8 ҳисобида устун келди. 

Аралаш жуфтлик, яъни микс баҳсида эса Милана Масленкова/Одил Каримов жуфтлиги Муслима Охунова/Самандар Абдумаликов тандемини 6:1, 6:4 ҳисобида мағлуб этди. 

Ғолиб ва совриндорлар Ўзбекистон теннис федерацияси томонидан таъсис этилган диплом ва медаллар билан тақдирланди.