Теннис ва бадминтонни янада ривожлантириш йўлида семинар ўтказилди

Семинар-тренингда Бадминтон, теннис назарияси ва услубияти кафедраси мудири Қ.Усмонов бошчилигида кафедранинг профессор-ўқитувчилари, Республика олимпия захиралари теннис мактаби директори С.Абидов ҳамда бош мураббий О.Аннакуловлар иштирок этишди.

Семинарда теннисни талаба-ёшлар ўртасида кенг ривожлантириш ва унинг истиқболлари хусусида ўзаро фикр ва мулоҳазалар билдирилди. 

Шунингдек, кеча Бадминтон, теннис назарияси ва услубияти кафедраси Ўзбекистон бадминтон федерацияси ва Республика олий спорт маҳорати мактаби билан ҳамкорликда "Бадминтон спортида мураббийларни тайёрлашнинг далзарб масалалари" мавзусида ҳам семинар ташкил этилди. 

Семинарда бугунги кунда бадминтон спорт турида кузатилаётган муаммолар, мураббийлар тайёрлаш тизимидаги камчиликлар, спорт турини юртимизда ривожлантириш жараёнлари, ютуқ ва камчиликлар борасида ўзаро мулоқот қилинди. 

Семинарда Республика олий спорт маҳорати мактабининг директор ўринбосари Р. Карабаева, Шайхонтоҳур туманидаги Болалар-ўсмирлар спорт мактабининг бадминтон спорт тури бўйича мураббийи, спорт устаси В. Муштакова ҳамда кафедранинг профессор-ўқитувчилари иштирок этишди.