Теренс Кроуфорд Сауль Альваресга қарши эҳтимолий жанг ҳақида гапирди

Унинг режасига кўра, жанг 2025 йил сентябрь ойида Саудия Арабистонида ўтиши мумкин.

"Аниқ билмайман. Ҳеч ким билмайди. Эррол Спенсга қарши жанг олдидан ҳам худди шундай ўйлаган эдим. Канело ҳақида ҳам худди шу гап. Ҳамма унинг кучли, катта ва яхши таймингга эга эканлигини билади. Унинг бош ҳаракатлари ажойиб, қарши ҳужумда ҳам у жуда зўр. Ҳамма буни билади. Аммо ҳеч ким Кроуфордни 76 кг вазнда кўрмаган. Мен бу вазнда зарбаларга дош бера оламанми? Ҳеч ким билмайди. Канело мен билан очиқ тўқнашувга тайёрми? Билмаймиз. У менинг ҳаракатларимни чеклай оладими? Бу ҳам номаълум. 

Албатта, ташқаридан қараганда унинг устунлиги бор, чунки у бу вазнда анча вақтдан бери жанг қилиб келяпти. Аммо аслида нима бўлишини ҳеч ким билмайди. Шунинг учун ҳам боксчилар жанг ўтказишади", — деди Кроуфорд.