Терма жамоамиз Ҳарбийлар ўртасидаги Жаҳон чемпионатида тенгсиз бўлди!

Мусобақада дунёнинг йигирмадан ортиқ мамлакатидан келган 300 нафардан зиёд спортчи ғолиблик йўлида даянга чиқди. Уч кун давом этган жаҳон чемпионатида Ўзбекистон эркаклар ва аёллар терма жамоалари ҳам барча вазн тоифаларида тўлиқ таркибда иштирок этди.

Қувонарлиси, мусобақа якунига кўра, спортчиларимиз 6 та олтин, 2 та кумуш ва 4 та бронза, жами 12 та медаль билан умумжамоа ҳисобида биринчи ўринни эгаллашди.

Ғолиб ва совриндорлар:

Олтин

Улуғбек Рашитов (68 кг) 

Жасурбек Жайсунов (80 кг)

Шухрат Салаев (87 кг)

Никита Рафалович (+87 кг)

Феруза Содиқова (62 кг)

Гулсанам Алижонова (73 кг).

Кумуш

Мадина Мирабзалова (57 кг)

Светлана Осипова (+73 кг).

Бронза

Самира Адашалиева (46 кг)

Зухра Тожиматова (49 кг)

Маржона Примова (53 кг) 

Озода Собиржонова (67 кг).

Энг муҳими, эркаклар терма жамоамиз ҳам, аёллар терма жамоамиз ҳам мусобақада Эрон, Корея Республикаси каби кучли мамлакатлар терма жамоаларини ортда қолдириб, умумжамоа ҳисобида биринчи ўринни қўлга киритишди.