15 апр 15:38
Янгиликлар
Футбол
Терма жамоамиз мураббийи Хосе Венансио Лопес: "Мақсадимиз – Осиё чемпионлигини қўлга киритиш"
Бош мураббий Хосе Венансио Лопес Осиё Кубоги олдидан Ўзбекистон терма жамоаси олдига қўйилган асосий мақсадни айтиб ўтди.
"Осиё Кубоги мусобақасида Ўзбекистон терма жамоасидан энг яхши натижани кутяпман. Биз ҳар бир мусобақа олдидан олдимизга энг юқори мақсадларни қўямиз, яъни Осиё чемпионлигини қўлга киритиш, лекин асосий вазифамиз олдинги натижамизни яхшилашдан иборат. Ўтган Осиё Кубогида Ўзбекистон 3-ўринни қўлга киритган. Демак, биринчи навбатда, олдинги турнирдаги натижамизни янада яхшилашга ҳаракат қиламиз", – деди испаниялик мутахассис.
Осиё Кубоги 17 апрелдан 28 апрелга қадар Таиланд мезбонлигида ўтади. Ўзбекистон "B" гуруҳида Саудия Арабистони, Ироқ ва Австралия билан куч синашади. Ўзбекистоннинг илк учрашуви 17 апрель куни Австралияга қарши кечади.
Ҳавола :
Манба : ЎФА матбуот хизмати
Фикрлар