"Тилла бола" замонамизнинг кучли уч боксчисини айтди

Олти вазн тоифасида собиқ жаҳон чемпиони ушбу рўйхатни вазн тоифасидан қатъий назар тузиб чиқди. Рўйхатнинг биринчи поғонасидан тўртта вазнда жаҳон чемпиони, мексикалик Сауль "Канело" Альварес жой олди. Кучли учликка америкалик Теренс Кроуфорд ҳамда украиналик Василий Ломаченко якун ясаб берган. 

"Биринчи ўринга ҳеч иккиланишсиз Канелони қўйдим. У жанг ўтказган ва ўтказиш истагида бўлган боксчилар рўйхатига эътибор қаратинг. Шунинг ўзиёқ менинг танловим қанчалик тўғри эканига исбот бўла олади. Сауль кучли рақибларни танлайди ва шу билан бир қаторда гонорар талашмайди. Ҳатто, жангим учун қанча ҳақ оламан деб ҳам сўрамайди. Кроуфорд ва Ломаченко эса бир хил даражадаги юлдузлар", — деди де ла Хойя.