Тимановская фуқаролигини ўзгартирмоқчи эканлиги ҳақида гапирди

У шунингдек, Польша терма жамоаси шарафини ҳимоя қилиш учун фуқаролигини ўзгартирмоқчи эканлиги ҳақида ҳам гапирди. 

"Польша терма жамоаси номидан мусобақада иштирок этиш учун фуқароликни ўзгартиришга ҳаракат қилиб кўрамиз. Спорт фуқаролигини олиш шарти - ўша мамлакатда уч йил яшашдир. Аммо, буни мен учун қисқартириб беришларини сўрайман. Чунки, бу ғайриоддий ҳолат. Биз фуқароликни алмаштиришни режалаштирмагандик, аммо шунга мажбур бўляпмиз. Польшада қолиб, шу мамлакат терма жамоаси шарафини ҳимоя қилиш қарорига келдим", - деди Тимановская. 

Эслатиб ўтамиз, Тимановская ўз мураббийлари ва раҳбариятини танқид қилганидан сўнг зудлик билан ўз ватанига қайтариб юборилиши мумкин эди. Аммо у Польшага кетди ва ушбу мамлакатдан бошпана сўради.