Тоҳиржонова ҳам жаҳон чемпионатида иштирок этяпти

Аёллар ўртасидаги баҳсларда ягона вакиламиз халқаро аёллар гроссмейстери Гулруҳбегим Тоҳиржонова ҳам иштирок этяпти. Умумий мукофот жамғармаси 1 150 000 АҚШ долларини ташкил қилувчи жаҳон чемпионатининг рапид йўналишида кеча бир нечта тур учрашувлари ўтказилди. 

Тоҳиржонова ҳозирча сўнггиси бўлиб турган 9-турда оқ доналарда ҳаракат қилди ва грузиялик халқаро гроссмейстер Нино Бацилашвили билан дурангга имзо чекди. Ушбу дурангдан сўнг шахматчимиз ҳисобидаги очколар 5тага етди. Гулруҳбегим 22-31 ўринларни эгаллаб турибди. 

Саккиз имкониятдан 7 очко жамғарган хитойлик халқаро гроссмейстер, амалдаги жаҳон чемпиони Жу Вен Жун турнир жадвалида якка пешқадамлик қиляпти. Тоҳиржонова яқинда ўтказилган жаҳон чемпионатининг чорак финалида айнан Вен Жунга тай-брекда имкониятни бой берган эди. Бугун Гулруҳбегим 9-партияда грузиялик Мери Арабидзега қарши қора доналарда ўйнайди.