Тоҳиржонова жаҳон чемпионатининг 3-давра илк партиясида ғалабага эришди

Жаҳон чемпионатининг соврин жамғармаси 450 000 АҚШ долларини ташкил қилади ва ғолиб шахматчи 60 000 долларга эга бўлади. Ушбу жаҳон чемпионатида юртимиз шарафини ягона вакиламиз, аёллар ўртасида халқаро гроссмейстер Гулруҳбегим Тоҳиржонова ҳимоя қиляпти. 

Ўзбекистонлик биринчи аёл гроссмейстер Нафиса Мўминованинг синглиси бўлган Гулруҳбегим биринчи ва иккинчи даврада ғалаба нашидасини сурганди. Истеъдодли шахматчимиз кеча ўтказилган 1/8 финал босқичининг илк партиясида ҳам ғалабага эришди. У россиялик халқаро гроссмейстер Валентина Гунинани оқ доналарда мағлуб этди. Бугун иккинчи партия ўйналади ва Гулруҳбегимни дуранг ҳам чорак финалга олиб чиқади. 

Жаҳон чемпионати. 1/8 финалнинг илк партияси натижалари:

Гулруҳбегим Тоҳиржонова (Ўзбекистон) - Валентина Гунина (Россия) - 1:0

Чжай Мо (Хитой) - Цзюй Вэньцзюнь (Хитой) - 0:1

Йоланта Завадзка (Польша) - Жансая Абдумалик (Қозоғистон)- 1:0

Наталья Погонина (Россия) - Екатерина Лагно (Россия) - 0:0

Анна Музичук (Украина) - Антоанета Стефанова (Болгария) - 1:0

Харика Дронавали (Ҳиндистон) - Александра Костенюк (Россия) - 0:0

Алиса Галлямова (Россия) - Лэй Тинцзе (Хитой) - 0:0

Мубина Алинасаб (Эрон) - Мария Музичук (Украина) - 0:0