Токио-2020: 3 нафар пара сузувчимиз медаллар учун курашади

Мусобақанинг илк кунида ўзбекистонлик спортчилардан эркаклар ўртасида 100 метрга баттерфляй усулида сузиш бўйича S13 классда Музаффар Турсунхўжаев ва Ислам Асланов, аёлар ўртасида 100 метрга баттерфляй усулида сузиш бўйича S13 классда Шоҳсанамхон Тошпўлатова, Нигорахон Мирзоҳидова ҳамда Муслима Одилова саралаш баҳсида стартга чиқди.

Қувонарлиси, Ислам Асланов саралашда 26.35 сония вақт билан 1-ўринни эгаллади. 26.72 сония вақт сарфлаган яна бир ҳамюртимиз Музаффар Турсунхўжаев 3-ўринни банд этди. Шу тариқа иккала вакилимиз ҳам финал босқичига йўлланмани қўлга киритди.

Аёллар ўртасидаги баҳсларда Шохсанамхон Тошпўлатова 30.79 сония вақт билан 1-ўринни эгаллаган ҳолда финал йўлланмасига эга чиқди. Афсуски, Нигорахон Мирзоҳидова ҳамда Муслима Одилова саралашдан ўта олмади.

Ҳамюртларимиз иштирокидаги финал баҳслари бугун Тошкент вақти билан соат 15:32 да бошланади.