02 авг 06:14
Янгиликлар
Енгил атлетика, Токио-2020
Токио-2020: Енгил атлетикачимиз Суҳроб Хўжаев Олимпия ўйинларида чиқиш қилди
Япониянинг Токио шаҳри мезбонлик қилаётган ёзги Олимпия ўйинларининг бугунги дастурида атиги икки нафар спортчимиз баҳсларда иштирок этиши белгиланган эди.
Ҳозиргина бугунги мусобақаларни бошлаб берган спортчимиз ўз иштирокини якунлади. Енгил атлетиканинг босқон улоқтириш баҳсларида қатнашган атлетимиз Суҳроб Хўжаев учинчи уринишидан кейин 71.26 метр натижани қайд этди.
Бироқ, бу натижа унга кейинги босқичга чиқиш учун камлик қилди. Босқон улоқтириш баҳсларида финал босқичига чиқиш учун иштирокчи камида 77.50 метр натижа қайд этиши талаб этилар эди. Шу тариқа яна бир спортчимиз учун Олимпиада баҳслари тугади.
Энди юнон-рум кураши бўйича эркаклар ўртасида -77 кг вазн тоифасида иштирок этадиган ҳамюртимиз Жалгасбай Бердимуратовга мухлислик қиламиз. Унинг иштироки Тошкент вақти билан соат 07:58да бошланади.
Ҳавола :
Манба : olamsport.com
Фикрлар