04 мар 20:13
Янгиликлар

Гимнастика

Токио-2020 лицензиатимиз Олма-отадаги турнирда зафар қучди

Қозоғистоннинг Олма-ота шаҳрида спорт гимнастикаси бўйича халқаро мусобақа бўлиб ўтди.

Эътиборлиси, ушбу мусобақада иштирок этган ҳамюртларимиз юқори натижалар қайд этишди.

Хусусан, Токио-2020 йўлланмасига эга бўлган Расулжон Абдураҳимов параллель брусься машқида 13,650 балл билан энг яхши натижани қайд этди ва мусобақа ғолибига айланди. Шунингдек, эркин машқ бўйича Ўткирбек Жўраев ҳамда Фаёзиддин Маматқулов мос равишда кумуш ва бронза медалларига эгалик қилишди.

Таъкидлаш жоиз, бу мусобақа вакилларимиз учун Жаҳон кубоги олдидан ўзига хос тайёргарлик вазифасини ўтаб берди.