Токио-2020 рамзлари жаҳон бўйлаб сафарга чиқишди

Улар биргаликда Олимпиада ва Паралимпиада мезбон шаҳарларига ташриф буюриб, маҳаллий аҳолига ўзига ҳос қувонч улашишмоқда.

Мирайтова ва Сомэйти ушбу тур йўналишларини танлаш учун найзачалардан фойдаланишди. Натижада тур Испаниянинг Барселона шаҳридан бошланадиган бўлди. Шунингдек маскотлар Халқаро Олимпия Қўмитаси ва Халқаро Паралимпия Қўмитасининг бош офисларида ҳам бўлишади.

Тур йўналиши: Барселона (Испания) → Париж (Франция) → Бонн (Германия, ХПҚ бош офиси) → Афина (Греция) → Лондон (Буюк Британия) → Лозанна (Швейцария, ХОҚ бош офиси).

Қаҳрамонларимиз ҳар бир шаҳарда ушуб мамлакатда Токио Олимпиадасига йўлланма олган спортчилар билан кўришибгина қолмай, Олимпия марказларида ҳам меҳмон бўлишмоқда. Мирайтова ва Сомэйти айни пайтда Париж шаҳрида бўлиб туришибди. Сафар 31 март куни ХОҚ бош офисида якунига етади.