20 авг 09:43
Янгиликлар
Токио-2020
Токио ареналари бўйлаб синов мусобақалари ўтказилмоқда
Токио-2020 Олимпия ўйинлари бошланишига ҳам 1 йилдан кам вақт қолди. Айни пайтга келиб, нафақат спортчилар, балки, мусобақа ташкилотчилари ҳам Олимпиадага пухта ҳозирлик кўришмоқда.
Анъанага кўра, ҳар бир халқаро федерация ташкилотчилар билан келишган ҳолда Олимпиададан 1 йил аввал арена ва спорт объектларининг қанчалик тайёр эканини кўздан кечириш мақсадида синов мусобақаларини ташкил қилиши даркор. Регламентга кўра, мусобақа исталган тартибда ўтказилиши мумкин. Мисол учун, қайсидир федерация ёшлар ёки катталар ўртасидаги халқаро турнирни Токио шаҳрида синов мусобақасидек ўтказса, баъзилар бунинг учун махсус турнир ташкил қилади. Шундан келиб чиқиб, кунчиқар юртда бир қатор спорт турлари бўйича синов мусобақалари бўлиб ўтмоқда. Биз ҳам эътиборингизга ана шу беллашувлардан олинган фотосуратларни ҳавола қиламиз:
Ҳавола :
Манба : olympic.uz
Фикрлар