Тўлқин Қиличев: "Элнурни бу қадар тезкор ғалаба қайд этади деб ўйламагандим"

Тўлқин Қиличев бир неча кун аввал мексикалик Леонель Моренога қарши рингга чиқиб IBF Norht American камарини қўлга киритган Абдураимов тўғрисида фикр билдирди:

"Элнур Абдураимов Ўзбекистонга Бектемир Мелиқўзиев билан бирга қайтади. Элнур камар эгаси бўлди, бу катта ютуқ. Уни устига жуда чиройли жанг кўрсатиб қўлга киритди. Рақиб жиддий эди. Мен ҳам бунақа тезкор ғалаба қозонади деб ўйламаган эдим. Элнурни бир жиҳатига қойил қолиш керак: у жуда аниқ ва ақл билан ишлайди. Шунинг учун у шошмасдан манаман деган кучли рақибларни ўз йўлига солиб олади", - деди Қиличев.

Эслатиб ўтамиз, 10 раундга мўлжалланган жанг 1-раунддаёқ якунланди. Баҳснинг 1-дақиқаси охирига етиб бораётган бир пайтда боксчимиз чап қўлдаги кучли зарбаси орқали рақибини йиқитди. Ўз навбатида Морено жангни давом эттира олмади.