Том Аспиналл Алекс Перейрани оғир вазнда кутиб олишга тайёр

"Албатта, мен уни оғир вазнда мамнуният билан кутиб олардим. Менинг фаолиятимда иштирок этган ҳар қандай одамдан сўрасангиз — мен ҳеч қачон жангдан қочмайман. Агар жангдан бош тортсам, демак, мен нотўғри спортни танлаганман. Мен бу ерда жанг қилиш учунман — ҳаммаси шундан иборат.

Кўплаб ММА жангчилари вақт ўтиши билан йўлдан адашади. Улар машҳурликка берилиб, кераксиз ишлар билан шуғуллана бошлайди. Мен эса бу ерда жанг қилиш учунман. Бу менинг хоҳишим, севган ишим ва умримни бағишлаган соҳам.

Мен Алекснинг катта мухлисман. Умуман, жанг қилувчи ҳар бир спортчини ҳурмат қиламан, айниқса Алекс ва Жон Жонс каби инсонларни. Йиллар ўтиб, фаолиятим тугаганда орқага қараб, “мен ана шу жангчилар билан беллашганман”, деб ўйласам — бу мен учун жуда ёқимли хотира бўлади", — деди Аспиналл.