Top Rank вице-президенти: "Ломаченкони яна рингда кўрамизми ёки йўқ — бу аниқ эмас"

"У сентябрь ойигача мажбурий рақиб, яъни Мурателла — Абдуллаев жанги ғолиби билан баҳс  олиб бориш бўйича бир қарорга келиши керак. Бу унинг нима истаётганини аниқлаб беради. Бу билан у бошқа жанг қилмайди демоқчи эмасман, рақиб бошқа бўлиши ҳам мумкин. Умуман олганда, кейинги жанг бўйича қарор ҳали қабул қилингани йўқ. У нимани хоҳласа, қила олади. Бу Лома. У қанчалик буюк эканлигини кўрсатиш ёки унинг атрофида кўтарилиш учун унвонга муҳтож эмас. Ҳақиқий савол — у рингга қайтишни хоҳлайдими? Лома нима қилишни ҳал қилмагунича у ҳақида ўйлай олмаймиз. Ломаченко — Дэвис жангига келсак, биз аллақачон маррага етиб боргандик, келишув деярли амалга ошганди. Аммо Лома умуман жанг қилишни хоҳламади. Жервонта билан ҳеч қандай алоқаси йўқ эди. У шунчаки дам олишни хоҳлади. Биз уни яна рингда кўрамизми ёки йўқ, билмайман", деди Моретти.

Василий сўнгги жангини 2024 йил 12 май куни Жорж Камбососга қарши ўтказиб, муддатидан олдин ғалаба қозонганди.