Top Seed Open. Арина Соболенко ғалаба билан бошлади

Сайёрамизнинг 11-рақамли теннис маликаси Арина Соболенко мусобақадаги иштирокини муваффақиятли бошлади. Беларуслик теннисчи илк давра учрашувида WTA рейтингининг 80-поғонасидан жой олиб турган америкалик Мэдисон Бренглни мағлубиятга учратди - 6/1, 6/7(5), 6/2.

Теннисчилар кортда 2 соату 27 дақиқа ҳаракат қилишган. Бу вақт оралиғида 22 ёшли Соболенко 8 та эйс зарбасини амалга оширди. Аринанинг иккинчи босқичдаги рақибаси америкалик теннисчилар - Кори Гофф ва Каролин Долхайд учрашувидан сўнг маълум бўлади.