Тўрақўрғонда ёш полвонлар беллашмоқда + ФОТО

Ўзбекистон Республикаси Жисмоний тарбия ва спорт вазирлиги ҳамда Ўзбекистон белбоғли кураш федерациясининг йиллик тақвим-режасидаги мазкур чемпионатда Қорақалпоғистон Республикаси, Тошкент шаҳри ва барча вилоятлардан 300 нафарга яқин спортчилар иштирок этишмоқда.

Дастлаб, мусобақанинг тантанали очилиш маросими ташкил этилди.

Байрамона безатилган спортзалида ўтган очилиш маросимида иштирок этган Ўзбекистон Белбоғли кураш федерацияси раиси Равшан Дастиров, Наманган вилоят жисмоний тарбия ва спорт бошқармаси бошлиғи Шокиржон Карабаев, Тўрақўрғон туман ҳокими ўринбосари Музаффар Усмоновлар ўз табрик сўзларида мамлакатимизда жисмоний тарбия ва спортга берилаётган юксак эътибор ҳақида таъкидлаб ўтишди ва мусобақа иштирокчиларига омад тилашди.

Шундан сўнг беллашувларга старт берилди.  

Эслатиб ўтмиз, мазкур чемпионатда ўғил болалар белбоғли курашнинг эркин ва классик йўналишларида 11 та вазн тоифасида куч синашишса, қизлар эркин йўналишда 7 та вазн тоифасида ғолиблик учун баҳс олиб боришади.

Мусобақа 1 ноябрга қадар давом этади.

Илҳом РАҲМОНОВ тайёрлади