Тўрт йил олдин Мурадовни ютган Борральо Хамзат Чимаевнинг "вызов"ига "ответ" қилди

"Ниҳоят, кимдир менинг исмимни тилга олди! Биродарим, сени қанчалик ҳурмат қилишимни биласан. Мен буни ноябрь ойида "Мэдисон Сквер Гарден"да ёки декабрда "Ти-Мобайл" аренада амалга оширишга тайёрман. Менга шунчаки хабар бер", – деб ёзди бразилиялик жангчи ижтимоий тармоқдаги саҳифасида UFC`нинг ўрта вазн тоифасидаги собиқ чемпионига мурожаат қилиб.

Аввалроқ россиялик жангчи май ойида баҳсли ҳакамлар қарори билан мағлуб бўлган Шон Стрикленд билан чемпионлик реваншини кутиб, бекор ўтиришни истамаслигини маълум қилган эди. У америкаликдан ташқари, Кайо Борральо, Дрикус Дю Плесси ва Нассурдин Имавов билан ҳам жанг қилишга тайёрлигини билдирган.

Маълумот учун, ўтган йилнинг сентябрь ойида Кайо Боррало UFC`даги еттита ғалабадан иборат сериясини тўхтатиб, ҳакамларнинг якдил қарори билан Нассурдин Имавовга имкониятни бой берганди. Жорий йилнинг март ойида эса бразилиялик жангчи Рене де Риддер устидан ҳакамларнинг якдил қарори билан ғалаба қозониб, муваффақиятли йўлига қайтди.