14 окт 09:45
Янгиликлар
Теннис
“Тошкент Челленжер”. Бугун ёмғир сабаб қолдирилган ўйинлар ўтказилади
Хабар берганимиздек, пойтахтимиздаги Республика олимпия захиралари теннис мактаби кортларида анъанавий “Тошкент Челленжер” мусобақаси давом этмоқда.
Соврин жамғармаси 125 минг АҚШ долларини ташкил қилувчи ушбу турнирнинг яккалик баҳсларида бугун ярим финал учрашувлари давом эттирилади. Кеча ушбу учрашувлар ёмғир сабаб тўхтатилган эди.
Турнирнинг амалдаги ғолиби бўлган ҳамюртимиз Денис Истомин хорватиялик Иван Додигга қарши кортга чиқади. Кеча ушбу баҳс 3:1 ҳисобида Истоминнинг фойдасига ҳал бўлаётган бир паллада тўхтатилганди.
Иккинчи ярим финал учрашувида ўтган йилги финалчи, словакиялик Лукаш Лацко франциялик Жереми Шардига қарши баҳс олиб боради. Кеча Шарди биринчи сетда 5:4 ҳисобида олдинга чиқиб олган бир пайтда учрашув тўхтатилган эди.
Ҳавола :
Манба : olamsport.com
Фикрлар