14 окт 12:50
Янгиликлар
Теннис
“Тошкент Челленжер”. Истомин кучли рақибни енгиб, ярим финалга чиқди
Пойтахтимиздаги Республика олимпия захиралари теннис мактаби кортларида давом этаётган анъанавий “Тошкент Челленжер” мусобақаси ўзининг ҳал қилувчи палласига кирди.
Соврин жамғармаси 125 минг АҚШ долларини ташкил қилувчи ушбу турнирнинг яккалик баҳсларида бугун чорак финал учрашувлари давом эттирилмоқда. Кеча ушбу учрашувлар ёмғир сабаб тўхтатилган эди.
Турнирнинг амалдаги ғолиби бўлган ҳамюртимиз Денис Истомин хорватиялик Иван Додигга қарши кортга чиқди. Кеча ушбу баҳс 3:1 ҳисобида Истоминнинг фойдасига ҳал бўлаётган бир паллада тўхтатилганди. Ҳозиргина якунига етган учрашувда Денис рақибини 6:4, 7:6, тай-брекда 15:13 ҳисобида мағлуб этди.
Иккинчи ярим финал учрашувида ўтган йилги финалчи, словакиялик Лукаш Лацко франциялик Жереми Шардидан 4:6, 7:6(7:3), 6:4 ҳисобида устун келди. Айнан бугун Денис Истомин ва Лукаш Лацко ўртасидаги ярим финал баҳси бўлиб ўтади.
Ҳавола :
Манба : olamsport.com
Фикрлар