11 окт 12:20
Янгиликлар
“Тошкент Челленжери”. Биринчи ракетка ғалаба билан бошлади
Соврин жамғармаси 125 минг долларни ташкил қилувчи
ушбу турнирда дунёнинг 20дан зиёд давлатидан кўзга кўринган теннисчилар иштирок
этяпти. Чехиялик Иржи Весели
турнирнинг биринчи ракеткаси сифатида эътироф этилган.
Весели “Челленжер”даги иштирокини ғалаба билан бошлади. Иржи ҳиндистонлик Вишну Вардханга қарши кортга чиқиб, 3:6, 6:3, 6:4 ҳисобида зафар қучди.
Бироздан сўнг турнирнинг амалдаги ва шу билан бирга икки карра ғолиби Денис Истомин яккаликдаги иштирокини бошлайди. Унинг рақиби асли ўзбекистонлик айни пайтда Франция шарафини ҳимоя қилаётган Глеб Сахаров бўлади.
Эслатиб ўтамиз, ўтган йилги турнирнинг финалида мамлакатимизнинг биринчи рақамли теннисчиси словакиялик Лукаш Лацкони 6:3, 6:4 ҳисобида таслим этиб, бош мукофотни қўлга киритганди.
Фикрлар