22 сен 13:42
Янгиликлар

Дзюдо

Тошкент Гран-приси. Бобонов ғалаба билан бошлади, Тўрабоев ҳам кейинги босқичда

Пойтахтимиздаги "Ҳумо Арена"да дзюдо бўйича Тошкент Гран-присининг сўнгги кунги баҳслари давом этмоқда.

Эркаклар ўртасидаги -90 кг вазн тоифасида юртимиз шарафини ҳимоя қилаётган Давлат Бобонов иккинчи даврадан баҳсларга қўшилди. У бу босқичда канадалик Закари Бартни мағлубиятга учратди. Унинг чорак финал остонасидаги рақиби япониялик Машу Бакер бўлади.

Ушбу вазн тоифасидаги яна бир вакилимиз Музаффарбек Тўрабоев ҳам иккинчи даврадан курашга киришди ва озарбайжонлик Алиумар Тумаевни таслим этди. Бироздан сўнг Музаффарбек чорак финал чиптаси учун қирғизистонлик Ерлан Шеровга қарши татамига чиқади. Ерлан анча кучли ҳисобланган тожикистонлик Комроншоҳ Устопириённи енгишга муваффақ бўлди.