Тошкент мезбонлигида ўтадиган Жаҳон чемпионатига тайёргарлик масаласи муҳокама қилинди

Дунёнинг юздан зиёд давлати дзюдочилари иштирокида ўтадиган жаҳон чемпионатини юқори савияда ташкил этиш, юртимизга келадиган меҳмонлар учун барча қулайликларни муҳайё этиш, уларнинг яхши таассуротлар билан қайтишлари учун ҳозирданоқ зарурий чора-тадбирлар кўрилмоқда. 

Ўзбекистон дзюдо федерациясида ўтган жаҳон чемпионати ишчи гуруҳининг навбатдаги йиғилишида ҳам ушбу масалалар муҳокама қилинди. Жаҳон чемпионати иштирокчилари, делегацияларни кутиб олиш ҳамда меҳмонхоналарга жойлаштириш, уларга юқори сервис хизматини кўрсатиш, мусобақа логоси, меҳмонларга тақдим этиладиган эсдалик совғалари муҳокама қилинди.  

Шунингдек, "Ўзбекистонда Дзюдо спорт турини янада ривожлантириш чора тадбирлари тўғрисидаги" Президент Қарорининг ҳар бир банди бўйича ҳам фикр алмашилди.