Тошкент мезбонлик қиладиган бокс оқшомида қандай жанглар томоша қиламиз?

"Ўзбекистон" спорт мажмуасида ташкил қилинадиган кечанинг марказий жанги ҳамюртимиз Азизбек Абдуғофуров иштирокида бўлади. Ўша куни боксчимиз вакант бўлиб турган WBC Silver камари учун россиялик Дмитрий Чудиновга қарши жанг қилади.

Маълумот учун, Абдуғофуров профессионал рингдаги фаолияти давомида 10та жанг ўтказиб, уларнинг барчасида ғалаба қозонган (4тасида нокаут билан). Тажрибали Дмитрий Чудинов эса 25та жангда қатнашган ва уларнинг 21тасида ғалаба қозонган (13таси нокаут билан). 2та жангда мағлубиятга учраган бўлса, яна иккита тўқнашувда дуранг қайд этган.

Бокс оқшомида шунингдек, Қудратилло Абдуқаҳҳоров, Жамшид Нажмиддинов каби таниқли боксчиларимиз ҳам рингга кўтариладилар.

Жанг оқшомида қуйидаги жангларни томоша қилишимиз мумкин бўлади:

Азизбек Абдуғофуров – Дмитрий Чудинов (Россия)

Қудратилло Абдуқаҳҳоров – Тваха Кидуку (Танзания)

Жасур Аҳмаджонов – Стеви Онген Фердинандус (Индонезия)

Олимжон Назаров – Хвича Гиголашвили (Грузия)

Жамшид Нажмиддинов – Каха Аветисиани (Грузия)

Улуғбек Собиров – Жоржи Унгиадзе (Грузия)

Анвар Туробов – Рой Мухлис (Индонезия)

4 май куни ушбу жангларга бағишланган матбуот анжумани ўтказилади. Ўша куни кечки пайт эса "Некст" савдо мажмуаси ҳудудида очиқ машғулотлар ташкил қилинади.