Тошкент Осиё Паралимпия қўмитаси Бош ассамблеясига мезбонлик қилади

Юртимиз ўз тарихида мазкур тадбирга илк бор мезбонлик қилади.

Тошкент шаҳри Осиёнинг бешта Миллий Паралимпия қўмиталари томонидан тақдим этилган аризалар ўртасидаги танлов якунларига кўра, мезбон шаҳар сифатида танланди. Осиёнинг 45 та Миллий Паралимпия қўмитаси вакиллари, шунингдек, APC Ижроия кенгаши аъзолари, аъзо қўмиталар, спортчилар, халқаро федерациялар, мусобақалар ташкилий қўмиталари ҳамда халқаро спорт ташкилотлари вакиллари APC'нинг энг муҳим тадбирларидан бири доирасида Тошкентда жам бўлиши кутилмоқда.

Дастурдан Осиёда Паралимпия ҳаракатини ривожлантириш билан боғлиқ муҳим йўналишларга бағишланган тақдимотлар, муҳокамалар ва семинарларни ўз ичига олган APC конференцияси ўрин олади. Шундан сўнг, Бош ассамблея бўлиб ўтади. Унда APC аъзолари ташкилий ва стратегик масалалар, шунингдек, минтақадаги Паралимпия ҳаракатининг келгусидаги ривожланиш йўналишларини муҳокама қилади. Пойтахтимизда, шунингдек, тақдирлаш маросимидан буён Осиё Паралимпия ҳаракатига қўшилган улкан ҳисса ва эришилган ютуқларни эътироф этувчи Осиё мукофотлари топширилади.