16 сен 17:33
Янгиликлар
Тошкент шаҳри каратэ бўйича Ўзбекистон кубогига мезбонлик қилмоқда
Бугун, 16 сентябрь куни Ўзбекистон Республикаси Туризм ва спорт вазирлиги ҳамда Ўзбекистон каратэ миллий федерациясининг йиллик календар режасига асосан спортнинг Каратэ WKF тури бўйича болалар, ўсмирлар, ёшлар ва катталар ўртасида Ўзбекистон Кубоги бошланди.
Ушбу мусобақада Қорақалпоғистон Республикаси, Тошкент шаҳри ва юртимизнинг қолган вилоятлардан 1000 нафардан ортиқ спортчилар ғолиблик учун баҳс олиб боришмоқда.
Мазкур мусобақа орқали терма жамоамиз мураббийлари декабрь ойида Алма-ата шаҳрида ўсмирлар, ёшлар ва катталар ўртасида бўлиб ўтадиган Осиё чемпионатига, шунингдек ноябрь ойида Дубайда ташкил этиладиган катталар ўртасидаги Жаҳон чемпионати учун таркибни шакллантириб олишни мақсад қилганлар.
Ўзбекистон кубоги 19 сентябрга қадар давом этади.
Фикрлар