18 май 08:37
Янгиликлар

Гимнастика

Тошкентда гимнастика бўйича мусобақа ташкил қилинди

Тошкент шаҳрида республика ихтисослашган болалар-ўсмирлар гимнастика мактабининг очиқ турнири ўтказилди.

Мусобақада 250 нафарга яқин ёш гимнастикачи трамполин, спорт гимнастикаси ҳамда бадиий гимнастика бўйича ўз имкониятларини синовдан ўтказди. Беллашувларда ёрқин таассурот қолдирган ва муваффақиятли қатнашган гимнастикачиларга ихтисослашган мактабда сабоқ олиш имконияти пайдо бўлади.

Баҳсларда Анна Качанина, Севинч Одилова, Мария Загороднюк, Одина Ғуломова, Диёра Раҳимжонова, Хумайра Абдухалилова, Дарья Пак, Амира Рашидова, Сафина Султонмуродова, Ирода Содиқова, Гулчеҳра Абдумуталова, Данил Дмитриев, Омадбек Аҳмадов, Жонибек Тенгелбаев, Абу Бакр Абдуҳамидов, Мубаширхон Меҳмонов каби спортчилар рақибларини ортда қолдириб, шоҳсупанинг энг юқори поғонасидан жой эгалладилар.