04 май 11:48
Янгиликлар

Бошқалар, Мотоспорт

Тошкентда Марказий Осиё мотомавсуми старт олди ФОТОГАЛЕРЕЯ

Айни дақиқаларда пойтахтимизда мотоспорт бўйича Марказий Осиё минтақасининг 2019 йилги мавсуми стартига бағишланган маросим бўлиб ўтмоқда.

Тарихда илк бор Марказий Осиё мотоциклчилари мавсумнинг очилишини биргаликда, бир жойда ўтказишяпти. Ушбу тантанали маросимга пойтахтимиз мезбонлик қилмоқда ва унда юртимиз спортчиларидан ташқари, Россия, Тожикистон, Қозоғистон, Қирғизистон Республикаларидан 300 нафарга яқин ҳаваскор ва профессионал мотоциклчилар ташриф буюрган.

Бугунги тадбир Тошкент шаҳар ҳокимияти, Ўзбекистон туризмни ривожлантириш давлат қўмитаси ва бошқа қатор ташкилотлар билан ҳамкорликда ташкил этиляпти.

Дастурга кўра, мотофестивал “Миллий” стадиондан стартга чиқди. Айни сонияларда NEXT кўнгилочар марказида тантанали маросим бўлиб ўтмоқда ва шундан сўнг иштирокчилар колонияси Чорвоқ дам олиш масканидаги “Пирамида”га йўл олишади.