Тошкентда ММА бўйича жаҳон чемпионати бошланди

Аралаш жанг санъатлари спорт тури бўйича ташкил этилаётган ушбу дунё биринчигида сайёрамизнинг 67 мамлакатидан 550 нафардан зиёд спортчи 40 та вазн тоифасида баҳслашмоқда. Жанглар 18-21 ёш ва 21 ёшдан катта тоифаларда ўтказилмоқда. Унда Ўзбекистон терма жамоаси тўлиқ таркиб билан қатнашмоқда.  

Жаҳон чемпионатининг бугунги дастуридан 1/32 босқич жанглари ўрин олган бўлса, эртага, 6 ноябрь куни 1/16 босқич беллашувлари бўлиб ўтади. 7-8 ноябрь кунлари 1/8, 1/4 ва 1/2 финал жанглари бўлиб ўтади. 9 ноябрь куни соат 16:30 да катталар ўртасида финал баҳслари ташкил этилса, 10 ноябрь куни соат 16:30 да ёшлар ўртасида жаҳон чемпионлари аниқланади.