Тошкентда Осиё каратэ федерациясининг Конгресси ва Ижроқўм сайлови ўтказилмоқда + ФОТО

Ана шу нуфузли мусобақа олдидан пойтахтимиз Осиё каратэ федерациясининг Конгресси ва Ижроқўм сайловига мезбонлик қилмоқда. Бугун Тошкент шаҳридаги "International" меҳмонхонасида ўтказилган йиғилишда Бутунжаҳон карате федерацияси президенти Антонио Эспиноза, Ўзбекистон Миллий олимпия қўмитаси президенти Рустам Шоабдураҳмонов, Ўзбекистон Жисмоний тарбия ва спорт вазирининг биринчи ўринбосари Ойбек Касимов, Ўзбекистон каратэ Миллий федерацияси раиси Аламжон Муллаев, WKF, AKF мутасаддилари ва бошқалар иштирок этишди. 

Йиғилиш давомида Ўзбекистон Миллий олимпия қўмитаси президенти Рустам Шоабдураҳмонов сўзга чиқиб, юртимиз ана шундай нуфузли мусобақага мезбонлик қилишдан хурсанд эканлиги, мамлакатимиз раҳбари бошчилигида Ўзбекистонда спортга катта эътибор қаратилаётганлигини айтиб ўтди. Бундан ташқари йиғилиш давомида Антонио Эспиноза, Ойбек Касимов, Аламжон Муллаевлар сўзга чиқиб, ўзларининг энг самимий тилакларини билдириб ўтишди.

AKFнинг ушбу 14-Конгрессида ташкилотнинг 2019-2023 йиллар учун раҳбар сайлаш, Ижроқўм аъзолари сайланиши кутилмоқда. 

Ўзбекистон каратэ Миллий федерацияси матбуот хизмати