Тошкентда Осиё велоспорт конфедерациясининг Конгресси ўтказилди ФОТОГАЛЕРЕЯ

Унда йигирмага яқин мамлакат федерациялари раҳбарлари, спорт уюшмалари ва компаниялари вакиллари иштирок этди. 

Конгрессда Ўзбекистон Республикаси Бош вазири ўринбосари, Хотин-қизлар қўмитаси раиси, мамлакат велосипед спорти федерацияси раиси Т.Норбоева ва бошқалар мамлакатимизда Олимпия спорт турлари, жумладан, велоспортни жадал ривожлантириш учун кенг имкониятлар яратилаётганини таъкидлади.

Тадбирда 2020 йили Токио шаҳрида (Япония) бўлиб ўтадиган ХХХII ёзги Олимпия ва ХVI Паралимпия ўйинларига тайёргарлик жараёни, шу йили сентябрда бўладиган Халқаро конгрессда кўриладиган масалалар, 2020-2021 йилларда Осиё чемпионатини ўтказиш бўйича мезбонлик қилувчи давлатларни аниқлаш, шунингдек, 2018 йилда Осиё велоспорт конфедерацияси (АСС) томонидан амалга оширилган ишлар, эришилган ютуқ ва камчиликлар сарҳисоб қилинди.

Унга кўра, велоспортнинг шоссе йўналиши бўйича 2020 йилги Осиё чемпионати Малайзияда ўтиши белгиланди. 2021 йилги мазкур мусобақага Бирлашган Араб Амирликлари мезбонлик қиладиган бўлди.

Суратлар муаллифи - Алимурод Мамадаминов