Тошкентда шахмат бўйича халқаро турнир бошланди + ФОТО

24 январга қадар давом этадиган Марказий Осиё Кубоги учун мусобақа 9 турдан иборат бўлиб, швейцарча усулда ўтказиляпти. Умумий мукофот жамғармаси 18 000 АҚШ долларини ташкил қилувчи турнирда Марказий Осиё давлатлари шахматчилари дона суряпти. 

Мусобақани ўтказишдан кўзланган асосий мақсад мамлакатларда шахматни оммалаштириш ва ривожлантириш, ёшлар, ҳаваскорлар ва малакали шахматчиларни турнирларга жалб этиш, Марказий Осиё шахматчиларининг маҳоратини оширишдан иборат. 

Халқаро шахмат Академиясида турнирнинг тантанали очилиш маросими ташкил этилди. Ёш шахматчилар халқаро гроссмейстер, халқаро тоифадаги спорт устаси ва ФИДЕ тоифасидаги спорт устаси каби халқаро унвонларни қўлга киритиш талабларини бажариш имкониятига эга бўладилар.

Алимурод МАМАДАМИНОВ, ўз мухбиримиз