16 ноя 11:33
Янгиликлар
Бокс/ММА
Тошкентда WBC International камарини ҳимоя қиладиган америкалик боксчи Эрмал Ҳадрибай жангдан олдинги матбуот анжуманида нималар деди?
17 ноябрь куни Тошкентдаги "Ҳумо Арена" мажмуасида Lift промоутерлик компанияси WBC ташкилоти билан ҳамкорликда профессионал бокс оқшоми ўтказади.
Кеча мусобақа доирасида рингга кўтарилувчи боксчилар ҳамда WBC раҳбари Маурисио Сулейман иштирокида матбуот анжумани ўтказилди. Унда иштирок этган америкалик боксчи Эрмал Ҳадрибай ҳам ўз фикрлари билан ўртоқлашди:
"Салом. Ўзбекистон чиройли мамлакат экан. Мен бу жангга яхши тайёргарлик кўрдим. Бутун жамоамиз билан биргаликда биз бу жангни ҳис қилган ҳолда тайёграрлик олиб бордик. Мен жума куни бор маҳоратимни ишга солишим ва ўзимни кўрсатишим керак. Бунинг учун қўлимдан келганича ҳаракат қиламан".
Маълумот учун, Эрмал Ҳадрибай (16-0-1) ўзига тегишли WBC International камарини мексикалик Карлос Молинадан ҳимоя қилади (38-13-2).
Ҳавола :
Манба : olamsport.com
Фикрлар