Тошкентда юнон-рум кураши бўйича халқаро турнир бўлиб ўтди ФОТО

2003-2004 йилларда туғилган спортчилар иштирок этган мазкур мусобақада мамлакатимизнинг турли ҳудудлари, шунингдек, Тожикистон ва Қозоғистондан келган ёш полвонлар куч синашишди.

Ҳакамлар 38 кг.дан бошлаб 85 кг. гача бўлган 10 та вазн тоифасида ғолиб ва совриндорларни аниқлашди. Муросасиз беллашувлардан натижасида қўшни Тожикистонлик Шероз Очилов ва Султон Саидзода, Тошкент вилоятидан Ифтихор Ўтбосаров ва Илёс Абдуназаров, Самарқанд вилоятидан Қувончбек Яхшибоев ва Диёр Бектўраев, Қозоғистон давлатидан келган Юсуф Ашрапов, фарғоналик Шерзод Муроджонов, хоразмлик Ҳусниддин Олимбоев ҳамда Навоий вилояти жамоаси аъзоси Исломжон Раҳматовлар ўз вазн тоифаларида шоҳсупанинг энг юқори поғонасига кўтарилдилар. Совриндорлар сафида Чирчиқ, Андижон, Республика ИОЗМИ вакиллари, шунингдек, Бухоро, Наманган вилоятлари курашчилари ҳам ўрин олишди.