Тошкентдаги IBA оқшомида америкалик машҳур боксчи рингга чиқади (Постер)

Ташкилотчилар мусобақадан ўрин олган навбатдаги жангни эълон қилди.

Унга кўра, оғир вазн тоифасида америкалик таниқли чарм-қўлқоп устаси Майкл Хантер оқшом доирасида рингга чиқади. Унга Россия вакили Артём Суслёнков рақиблик қилади.

Маълумот ўрнида, Хантер проф фаолияти давомида 24 та жанг ўтказиб, 21 та ғалаба, 1 та мағлубият ва 2 та дуранг қайд этган. У турли йилларда Александр Усик, Александр Устинов, Александр Поветкин билан жанг қилган. Хантер фаолияти давомида WBA Intercontinental ва IBO Intercontinental камарларини қўлга киритган.

Артём Суслёнков эса жами 10 та жанг ўтказиб, уларнинг барчасида зафар қучган.

Аввалроқ, Тошкентдаги "IBA Чемпионлар оқшоми"нинг марказий жанги Ҳасанбой Дўсматов ҳамда испаниялик Самуэль Кармона ўртасида IBA камари учун ўтказилиши ҳақида хабар берган эдик.