14 мар 10:50
Янгиликлар
Теннис
Тошкентдаги турнирда икки теннисчимиз мухлислар қаторидан жой олди
Пойтахтимиздаги Республика Олимпия захиралари теннис мактабида ўсмирлар ўртасидаги халқаро турнирнинг асосий тўр баҳслари давом этмоқда.
Ўз тарихида ўттиз еттинчи маротаба ўтказилаётган Tashkent ITF Juniors турнирида ўндан зиёд давлатдан истеъдодли ўсмир ҳамда қиз теннисчилар иштирок этишяпти.
Ўғил болалар ўртасидаги мусобақада тўрт теннисчимиз - Одил Каримов, Тимур Соттимов, Азизхон Турғунов ва Олимжон Набиев ўз имкониятларини синовдан ўтказишяпти.
Улардан икки нафари илк даврадаёқ мағлубиятга учради. Асосий тўрга имтиёзли йўлланма асосида қўйилган Тимур Соттимов турнирнинг 6-ракеткаси қозоғистонлик Достонбек Ташбулатовга 1:6, 4:6 ҳисобида ютқазди.
Яна бир имтиёзли йўлланма асосида асосий тўрга қўйилган Азизхон Турғунов эса украиналик Александр Брайнинга икки сетда ҳам бир хил 2:6 ҳисобида ютқазди.
Ҳавола :
Манба : olamsport.com
Фикрлар