Тошкентдан қайтишда "Навбаҳор"нинг икки мухлиси вафот этди

Бу ўйиндан кейин "Навбаҳор" мухлислар клуби етакчиси Фарҳод Умаралиев сайтимизга жуда ҳам қайғули хабарни етказди.

"Кечқурун менга жуда ҳам нохуш хабар келди. Тошкентдан қайтишда "Навбаҳор"нинг 5 нафар мухлиси ўтирган Нексия аварияга учраганини айтишди.

Нексия Наманганга киришда Дамас автомобили билан тўқнашиб кетган. Дамасда ҳам 5 нафар йўловчи бўлган.

Авария натижасида Нексияда бўлган икки нафар мухлисимиз воқеа жойида ҳалок бўлган. Ўтганларнинг жойлари жаннатдан бўлсин. Қолган уч нафар мухлис эса оғир аҳволда шифохонага олиб борилган. Улар борасида яхши янгиликларни кутиб қоламиз", - дейди Фарҳод Умаралиев championat.asia сайтига.