UZ

Сўнгги янгиликлар

17:27Глендейлдаги проф бокс оқшоми иштирокчилари тарозига чиқишди 0 17:06"Барселона" тарбияланувчисини қайтармоқчи 0 16:45Содиқ Сафоев Ўзбекистон регби федерацияси раислигига қайта сайланди 0 16:24Нигина Абдураимова Словения турнирида 1/2 финалга чиқди 0 16:03Нурсултон Рўзибоев Дюмадан кейин Маҳмуд Мурадов учун реванш олмоқчи 0 15:42Антуан Гризманн қайтди 0 15:21Конор Макгрегор овқатланиш рационини кўрсатди + ФОТО 0 15:00Сен-Пьер: "Хабибни мағлуб эта олган бўлардим" 0 14:39"Буюк ипак йўли" турнирининг энг яхши боксчиси аниқланди 0 14:18«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи 0 13:57Нурсултон Шавкат Раҳмонов ва Хамзат Чимаев билан жанг қиладими? Рўзибоевнинг ўзи жавоб берди 0 13:36Катя Александрова Miami Open финалига чиқа олмади 0 13:15"Шон битта зарба билан Мерабни таслим этади" - мураббий 0 12:53Пеп Гвардиола «Манчестер Сити»даги келажаги борасида бир қарорга келди 0 12:31Цзю Спенс билан жанг қилиш учун камаридан воз кечишга тайёр 0

24 дек 17:58
Янгиликлар

Хоккей

Тошкентни ларзага солган 90 кун

Теглар :  ХоккейҲумо
Хар сохада тобора ривожланиб бораётган мамлакатимизда янги-янги тадбирлар ва спорт билан боғлик воқеликлар ташкил этиш анъанага айланиб бораётгани муболаға эмас.

Ана шундай тадбирлардан бири халқимизнинг тасаввурида ёрқин хотиралар қолдирди десак адашмаймиз.

2019 йилнинг 11 сентябри. Айнан шу куни Тошкентнинг «Хумо» муз аренаси дунёдаги энг нуфузли ва кучли лигаларидан бири бўлган «Олий хоккей лигаси»да ўзининг биринчи ўйинини ўтказди. Таъкидлаш жоизки, ушбу ўйин кутилганданда аъло ўтди. 12 минглик «Хумо» аренасини тўлдириб ўтирган қора кўзлар қаршисида тошкентликлар «Рязань» жамоасини йирик ҳисобда мағлубиятга учратдилар. Таъкидлаб ўтиш керакки, «Рязань» ХК 70 йиллик тарих ва анъаналарга эга бўлган номдор клубдир.

Томошабинларнинг меҳр-муҳаббатини қозонишни ва кейинги ўйинни, аниқроғи ўйинларни интиқлик билан кутишдек эътиборини, замонавий, шинам ва қулай арена, ташкилотчиларнинг эса худди жигарини тўйидагидай меҳр билан ташкиллаштирган байрами, тез, чиройли ва шижоатли уйин ва яна албатта, якуний ҳисоб таъминлаб берди.

Ташкилотчилар «мухлисларимиз 30 йилдан бери хоккейсиз ўтиришди, етар» дейишдими, билмадик, кейинги учрашув бир кундан сўнг бўлиб ўтди. Хайриятки, талаффуз филганда тилингиз чалкашиб кетадиган «фриггатрискайдекафобия»(13 ракамидан ирим киладиганлар) ҳасталигига чалинганлар Ўзбекистонда учрамайди. Чунки, 2-уйин 13 сентябрга тўғри келди. Бу ўйинда пойтахтликлар Козоннинг «Барс» клубига қарши музга чиқишди. «Барс» ҳакида гапирадиган бўлсак - бу клуб 5 карра Россия Чемпионати ғолиби бўлмиш «Ак Барс» клубининг эгизаги ҳисобланади. Лекин, ракибнинг дабдабасига карамай («Барс» хозирги кунда 111 шайбани рақиб дарвозага жойлаб, лиганинг етакчисига айланган). «Хумо» вакиллари бу сафар ҳам устун келишди. Ўйин бошидаги тезкорлик билан урилган иккита голдан сўнг, мезбонларнинг «яна аввалги ҳисобда ютамиз деган умидларини «Барс»нинг 3-бўлим ўртасига келиб, ҳисобни дуранг қилишгани «қанотлилар»ни («Хумо») барчасини бошидан бошлашга мажбур килди. Томошабинларнинг олқишларидан илхомланган мезбонлар ва нихоят «умид ва орзулар» шайбасини дарвозага йўллаб, 3:2 хисобида «Барс»ни мағлуб этишди. Иккинчи ғалаба!

2-ғалабадан сўнг биз учун бу янги спорт турида ғалабаларнинг кети узилмайдигандай туюлар, «Хумо» аренаси эса бу ерга чағвон кўтариб келганларни муз тишлатиб, 2 очкосини олиб қуйиб, бўм-бўш қайтариб юборадиган бир маскандай тушуниларди. Ўз уйимизда ўтган учинчи ўйин «оёғи ердан узилиб, булутларда парвоз килиб» юрганларни тезгина муз саройидаги ўриндиқларга қайтарди. Шу билан бирга спортдаги олтин қоидани уларнинг миясига куйиб куйди: «ОХЛда ўзингни эр билсанг, рақибингни шер бил». Хар уйин аввалида бош мураббий Евгений Попихин  Николаевичнинг оғзидан чиққан бу сўзлар беллашув жадвалининг энг охирги ўринларида турган «Торпедо-Горький» билан бўлган ўйинда уз тасдиғини топди. Биринчи бўлимда «Хумо» битта шайба киритди, ўйин давомида Шербина ва Беляковлар жарохат туфайли майдонни тарк этди. Асосий вақтнинг охирига 16 сония колганда эса Горькийнинг «Торпедо»си замбаракдаги ўқ каби, шайбани дарвозага жойлаб қуйди. Ўйин овертаймда давом этди. Унда хам кучлар тенг келди. Буллетлар сериасида эса «Торпедо»чиларнинг мергани аниқрок ҳаракат қилгани яққол кузатилди. Мағлубият аччиқ, «горький» сўзининг таржимаси каби.

Сентябрнинг учинчи ўнкунлигида Евгений Николаевич шогирдлари ўзларинг сафардаги (Уралнинг -«Зауралье», «Горняк Учалы», «Южный Урал» ва «Челмет») учрашувларига жўнаб кетишди. Айтиш жоиз, учрашувлар умидни оқламади. Биринчи уч учрашувда «Хумо» ўйинни бой берди. Ўйин сифати бўйича эмас, ҳисоб бўйича. Ўйиндан кейинги ҳисоботлар хар холда сўзларимизни тасдиқлайди. Дарвозабонлар ўйини таҳсинга лойиқ, аммо қолган ўйинчилар ўз имкониятларини охирига етказа олмасликлари тошкентликларга очко йиғишга йўл қўймади. Лекин, қалампирни аччиғини асал кесганидай, битта ютуқ ва Ўзбекистоннинг дунё хоккей хаётига қўшилиши аламларни сал босди.

Отабек Жўраев мақоласи.

Искандар Ахмедов таржимаси

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг