UZ

Сўнгги янгиликлар

18:15"Кичкина одамни мағлуб этсам, бу менга ҳеч қандай обрў келтирмайди". Шара Буллет Царукян билан эҳтимолий жанг ҳақида 0 18:10Ёшлар ўртасидаги жаҳон чемпионатига қуръа ташланди (Жуфтликлар) 0 17:42Ўзбекистон терма жамоаси Саудия Арабистони устидан ғалабадан сўнг ФИФА рейтингида бир поғона кўтарилди 0 17:05"У афсона". Асу Алмабаев бўлажак рақиби ҳақида фикр билдирди 0 16:29"Энди уларни ҳурмат қилмайман". Собиқ чемпион Нурмагомедов жамоаси ҳақида гапирди 0 15:45Сарсекбаев Қозоғистон ва Ўзбекистонда боксчиларга бўлган муносабатдаги фарқни кўрсатди 0 15:17Япония футбол ассоциацияси собиқ раҳбари ФИФА президентлиги сайловларида иштирок этиш учун ариза топширди 0 14:50UFC'да Асу Алмабаевнинг чемпионлик учун курашиш имконияти ҳақида гапирилди 0 14:24Шаҳрам Ғиёсов барча даврларнинг энг яхши боксчиси ким эканини айтди 0 13:44UFC P4P рейтинги янгиланди: Харрисон Шевченкони ортда қолдирди, Ган Топ-10`да! 0 13:13"Манчестер Сити" Ҳоландни 175 миллион еврога сотишга тайёр 0 12:42Россияни четлаштирган халқаро хоккей федерацияси сайти бузиб кирилди 0 12:11Чимаев чемпионлик унвонини ҳимоя қилади. Рақиб собиқ UFC чемпиони + ПОСТЕР 0 11:40Ўзбекистонда ҳокимларнинг спорт бўйича маслаҳатчиси лавозими жорий этилди 0 11:09Бразилияда қарздорликка қарши жиддий кураш бошланди 0

02 июн 17:40
Янгиликлар

Футбол

Transfermarkt Ўзбекистон Суперлигаси футболчиларининг янги нархларини эълон қилди

Теглар :  Футбол
Дунёга машҳур футбол портали Transfermarkt Ўзбекистон чемпионатида ўйнаётган футболчиларнинг янги нархларини эълон қилди.

Унга кўра Ўзбекистон U-20 терма жамоаси ва "Пахтакор" клуби ярим ҳимоячиси Аббосбек Файзуллаевнинг нархи энг кўп кўтарилган - 450 000 евро. Энди унинг трансфер нархи 750 минг еврога баҳоланмоқда.

"Навбаҳор" вакили Остон Ўрунов ва "Нефтчи" ярим ҳимоячиси Нурилло Тўхтасиновнинг нархларига 300 минг евродан қўшилган. Энди ҳар иккала футболчининг янги трансфер нархи 800 минг еврога тенг.

"Динамо"дан "Навбаҳор"га ўтиб стабил ўйнаб келаётган Иброҳим Йўлдошевнинг нархи 275 минг еврога кўтарилди ва 500 минг еврога етди. Ўзбекистон U-20 терма жамоаси ва "Насаф" клуби ўнг қанот вакили Зафармурод Абдираҳматовнинг порталдаги нархи бунгача 100 минг евро эди ва ярим йилдаги ўйинлари орқали 250 минг евро қўшилди.

Суперлигада биринчи давра кашфиётларидан бири бўлган "Сурхон" футболчилари Сильванус Нимели ва Асилбек Жумаевнинг нархларига 200 минг евродан қўшилди. Таъкидлаш лозимки, бунга қадар порталда 18 ёшли Жумаевнинг нархи умуман йўқ эди.

Ўзбекистон U-20 терма жамоаси етакчиларидан бири бўлган Беҳруз Асқаровнинг нархига 175 минг евро қўшилди. Тажрибали футболчилар Ҳусниддин Алиқулов ва Хуршид Ғиёсовнинг нархлари энди 150 минг еврога қимматроқ бўлади.




Трансфер нархи энг кўп пасайганлар орасида "Пахтакор" вакиллари Сардор Рашидов ва Шерзод Аъзамов "пешқадам". Иккала футболчининг нархлари 150 000 евродан камайди. Фарруҳ Сайфиев, Жавоҳир Қаҳрамонов, Элдорбек Суюнов, Душан Стоилкович, Закария Бегларишвили, Азим Аҳмедов, Хумоюн Муртозаев ва Муҳаммад Али Бен Салемнинг нархларидан 100 минг евродан олиб ташланди.




Янгиланишдан кейин Ўзбекистон чемпионатида 1 миллионлик футболчилар сони икки нафарга етди. Бунгача узоқ муддат Одилжон Ҳамробеков Суперлигамизнинг энг қиммат футболчиси бўлиб турганди. Бугунги ўзгаришлардан кейин "Насаф" ҳимоячиси Ҳусниддин Алиқувлонинг порталдаги нархи ҳам 1 000 000 еврога етди.

"Пахтакор" вакиллари Достонбек Ҳамдамов, Ҳожиакбар Алижонов , Сардор Собирхўжаев ва ОКМК вакили Хуршид Ғиёсовнинг нархлари бир хил - 900 000 евродан. Рўйхатнинг давомини "Навбаҳор"чилар эгаллашган Жамшид Искандеров ва Шоҳруз Норхонов 850 000 евродан. Биринчи даврада ажойиб ўйнаган Остон Ўрунов ҳам ТОП-10га кириб олди. "Насаф" чап қанот ҳимоячиси Шерзод Насруллаевнинг трансфер нархи ҳам Ўрунов сингари 800 минг евро.



Барча ўзгаришлар билан қуйидаги ҲАВОЛА орқали танишиш мумкин.

Рейтинг: +1   

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг